Google ADS

Mbushet me grafite islamofobe një xhami në Finlandë

18:22 | 15 Mars 2019
Arbresh.info

Një xhami në kryeqytetin e Finlandës është vandalizuar me grafite islamofobike në dy mëngjese të njëpasnjëshme, raporton Anadolu Agency (AA).

Hasan Sahim, një administrator i xhamisë, u tha gazetarëve se “fyerje të fuqishme” kundër Islamit janë shkruar në muret e xhamisë, e cila ndodhet në periferi të zonës Mellinmaki të kryeqytetit Helsinki.

Nga Departamenti i Policisë së kryeqytetit Helsinki theksuan se incidenti po hetohet.

Në llogarinë e tij në twitter, kreu i kriminalistikës pranë departamentit policor, Jari Taponen, dënoi sulmet e fundit terroriste mbi dy xhamitë në Zelandë të Re, duke theksuar se myslimanët në Finlandë vazhdimisht vuajnë nga krimet e urrejtjes.

Një person i armatosur hapi zjarr mbi besimtarët gjatë kohës së faljes së namazit të xhumasë në xhamitë Al Noor dhe Linewood në qytetin Christchurch të Zelandës së Re, duke lënë të vrarë të paktën 49 persona.

Një nga sulmuesit e transmetoi incidentin drejtpërdrejtë në rrjetet sociale.

Shpërndaje në rrjete sociale

Lajmet më të lexuara

Të ngjashme

Foto lajm